Beauty ni Liza, hinahangaan ng mga kapwa-artista

TUNAY na maganda at kaakit-akit ang 17 taong gulang na si Liza Soberano. Kaya hindi nakapagtataka kung hanggaan at purihin ng mga kapwa niya artista ang kanyang kariktan.

Hindi napigil nina Georgina Wilson, Bianca Gonzalez, at Meg Imperial na magpahayag ng kanilang admiration ukol sa kagandahan ni Liza.

Kahit ang photographer na si Mark Nicdao ay inilarawan si Liza bilang “The New Paraluman” sa Instagram post nito na nagpapakita ng kuha niya para sa cover ng Benchmark’s art-themed six issue na nagtatampok din sa illustration ni Dex Fernandez. Kahanga-hanga ang mga kuhang iyon ni Mark na si MJ Benitez ang nag-style samantalang sina Jay Wee at Mickey See naman ang nag-ayos ng buhok at nag-make-up sa young actress.

Kahit ang aktres na si Anne Curtis ay ‘di rin napigil ang paghanga kay Liza, sa pagsasabing “Super duper ganda!” at “So beautiful,” naman ang nasabi ni Dubai based fashion designer Michael Cinco.

Nagpahayag din ng paghanga si Pauleen Luna, nang i-post nito ang kanyang picture na ginaya ang buhok ni Agnes karakter ni Liza sa Forevermore at may caption na, “I love you, Liza Soberano!” Gayundin si Solenn Heussaff sa pagsasabing “hot” kay Liza sa Twitter.

ni Maricris Vadez Nicasio
‘