Kyla, mapapanood na rin sa ASAP ng ABS-CBN

ni Ambet Nabus

LUMIPAT na pala sa Cornerstone (artist management group) ang paborito din naming si Kyla.

Ito pa mismo ang nagbalita na very soon daw ay mapapanood na siya sa bonggang Sunday show ng ABS-CBN na ASAP, kaya naman ‘yung huling appearance niya sa SAS sa GMA 7 ang nagsilbing farewell show/appearance niya sa network na ilang taon ding naging tahanan niya.

Paparami na ng paparami ang magagaling na singers and artists ng Cornerstone at hindi kami magtatakang very soon ay maging tahahan sila ng mga “pinaka”sa industriya pagdating sa kantahan at biritan.

Isa nga itong masayang development at maganda itong abangan lalo pa’t noon pa man “proven” ang husay at galing ni Kyla as an artist and singer. Sure kaming ang transfer n’yang ito sa ASAP ay magsisilbing parang bagong “birth” sa kanya.

Welcome Kyla and see you more!!