Pnoy dapat managot sa Mamasapano Clash (Giit ng militante)

NAGSAGAWA ng kilos-protesat ang iba’t ibang militanteng grupo para igiit ang pagpapapanagot kay Pangulong Benigno “Noynoy” Aquino III kaugnay sa madugong sagupaan sa Mamasapano. 

Tinawag na March for Truth and Accountability, sinabi ni Bayan Sec. Gen. Renato Reyes Jr., direkta kay Aquino ang pananagutan sa pagkamatay ng 44 pulis, ilang MILF at ilang sibilyan sa enkwentro. Sabi niya, si Aquino ang punong promotor ng operasyon na nagsubo sa PNP-SAF sa tiyak na kapahamakan at kamatayan.

Sumunod din aniya ang Pangulo sa udyok ng Estados Unidos na walang pakundangan sa maaaring epekto ng operasyon sa mga buhay ng SAF, MILF at sibilyan.

Nagbabala rin ang grupo laban sa cover-up ng Palasyo at sa limitasyon ng Board of Inquiry.

Matapos sa Mendiola, nagmartsa pa-US Embassy ang mga militante para roon ipagpatuloy ang programa.