Instructional video ilalabas ng Palasyo (Sa pagsalubong sa Santo Papa)

MAGLALABAS ng instructional video ang Palasyo bago ang pagdating ni Pope Francis sa Enero 15 para ipaalam sa publiko ang mga dapat gawin sa pagsalubong sa Santo Papa, pati na paghahanda sakaling magkaroon ng worst case scenario.

Sa media interview sa Pangulo sa pagbisita sa lalawigan ng Romblonkahapon, sinabi niya na hindi papayag ang gobyerno na makasingit angsino mang magtangka nang masama sa Santo Papa, lalo na ang terorista kaya ang paglalabas ng instructional video ay makatutulong para magkaroon ng impormasyon ang publiko sa usapin ng kaligtasan ng lahat, hindi lang ni Pope Francis.

Ipakikita aniya sa nasabing video ang mga magulong insidentengpwedeng maganap at kung paano ito maiiwasan, lalo na’t mismong siPope Francis ay gustong makalapit sa mga tao.

“So pinipilit natin together with the private sector, together with the church, na manigurado na i-lessen lahat ‘nung risks na inherit with the Pope’s visit. Siyempre, may challenge din tayo dahil itong Papa natin sa ngayon ay malapit sa tao talaga at hinahanap ‘yungmakadaupang palad ang ating mga kababayan,” ayon sa Pangulo.

Kwento ng Pangulo, sa araw-araw na pagdalo sa mga preparasyon saPapal visit ay binabangungot na si Executive Secretary Paquito Ochoasa kaiisip.

Rose Novenario