HATAW! D'yaryo ng Bayan hatawtabloid.com
NAGTATAG ng Task Force Ruby ang Maynila para sa inaasahang pananalasa ng Bagyong Ruby sa lungsod.
Ayon kay Manila Disaster Risk Reduction and Management (DRRM) chief Johnny Yu, 24 oras na handa ang task force sa coastal areas partikular sa Manila Bay, Baseco Compound, Parola at Happy Land, gayondin sa mga tabing-ilog gaya ng Sta. Ana at Sta. Mesa.
Tiniyak din ni Yu na handa ang lahat ng evacuation center, mga gamot at pagkain para tiyaking mabibigyan nang sapat na kalinga ang lahat ng ililikas.
Nagpapatupad din ng forced evacuation ang lungsod sa mga residenteng malapit sa Manila Bay.
