Andi, laging taya raw sa date nila ni Bret

ni Alex Brosas

SI Andi Eigenmann pala ang gumagastos sa mga date nila ni Bret Jackson.

Ito kasing si Andi ay masyadong na-hurt nang maglabasan ang kissing photos ni Jake Ejercitosa social media. Para makaganti at para pagselosin si Jake ay gumawa ito ng paraan para maging visible rin sa internet na may kasamang ibang lalaki. Si Andi pa nga raw ang nagyaya sa manliligaw niyang si Bret para gumimik sila.

Since mas mapera si Andi ay siya raw ang parating taya kapag lumalabas sila para gumimik. Talagang ginagastusan daw ng aktres ang mga paglabas-labas nila ng newbie actor.

Enjoy na enjoy naman daw itong si Bret na aminadong may gusto naman kay Andi. Ewan nga lang kung sincere siya o isa ring malaking gimik ang announcement niya na type niya si Andi.

Anyway, tila hindi naman naging successful si Andi sa pagpapaselos niya kay Jake. Hindi rin kasi siya binalikan nito. Ang mas malala pa, iba’t ibang babae ang kasama raw nito sa gimikan.

Ang nakakaloka pa, selos na selos naman daw itong si Bret nang malaman niyang nagkabalikan sina Andi at Jake, bagay na wala naman palang katotohanan.