10-anyos nene ini-hostage ng adik na kuya

ARMADO ng gulok, biglang dinamba ng isang 15-anyos binatilyo ang 10-anyos kapatid na babae sa pag-aakalang may papasok na magnanakaw sa kanilang bahay sa Brgy. Minuyan, sa lungsod ng San Jose del Monte, Bulacan kahapon ng umaga.

Ayon sa pulisya, inakala nilang pinasok ng mga magnanakaw ang bahay ng magkapatid at nagulat sila sa dakong huli na ang magkapatid na kapwa menor de edad lamang ang nasa loob ng bahay.

Sapilitang pinasok ng mga awtoridad ang bahay at inaresto ang suspek na armado ng gulok makaraan ang limang oras na negosasyon.

Aminado ang mga magulang ng suspek na gumagamit ng ipinagbabawal na gamot ang kanilang anak.

Kasalukuyang nasa kostudiya na ng City Social Welfare and Development Office ang magkapatid na nakatakdang sumailalim sa counselling.

Irerekomenda rin ng CSWD na isailalim sa drug rehabilitation program ang suspek.

(DAISY MEDINA)