Chief Engineer Assistant inasunto sa Ombudsman (Panggigipit sa fencing permit)

ISANG chief city engineer at kanyang assistant city engineer ng Las Piñas City ang inireklamo dahil sa paglabag sa Republic Act 539 ng Civil Code sa ilalim ng ‘Private Property.’

Kinasuhan ni Mario Bunyi, ng 125 Wawa St., Alabang, Muntinlupa City sa Ombudsman sina Engr. Rosabela Bantog, Chief City Wngineer at Mr. Christian Chan, Asst. of the City Engineer ng Las Piñas City.

Sa complaint-affidavit na isinumite ni Bunyi, tumatayong attorney-in-fact ni Santiago Reyes, ang may-ari ng 6,000 square meter lote sa BF Martinville, Manuyo Dos, Las Piñas City, hiniling nila sa Office of the City Engineer Building Official, na isyuhan ng permiso para simulan ang pagpapabakod pero umabot ang Agosto 28, wala rin aksyon sina Bantog at Chan.

“Kompleto naman po ang aming requirements pero hindi pa rin sila naglabas ng permit kaya hindi masimulan ang pagpapabakod,” pahayag ni Bunyi.

Nang magtungo si Bunyi sa City Engineer’s Office ng Las Piñas, sinabi ni Chan na mag-iisyu lamang sila ng temporary fencing permit kung hindi kasama ang bakanteng lote na sa harap ng Tonquioa St., sa BF Martinville, Manuyo Dos (dating Barrio of Tungtong).

Ayon kay Bunyi, ang pahayag ni Chan ay hindi makatarungan para sa may-ari ng lupain na si Reyes kaya hindi sila sumangayon.

Dahil sa patuloy na panggigipit sa kanila nina Chan at Bantog, nagpasya ang kampo ni Bunyi na maghain ng reklamo sa Ombudsman.