Kris aquino, binigyan ng Hummer si Kuya Boy

DAHIL sa katuwaan ni Kris Aquino na nalagpasan ni Boy Abunda ang matinding pagsubok na dumating sa kanyang buhay, ibinigay na ng Queen of Talk ang advance birthday gift niya sa King of Talk.

Isang sasakyang Hummer ang regalo ni Kris kay Kuya Boy bagamat sa Oktubre 29 pa ipagdiriwang ni Kuya Boy ang kanyang 59th birthday.

After ng isang buwang pagkawala sa The Buzz at Aquino and Abunda Tonight ni Kuya Boy, noong Linggo, September 14 lamang siya nagbalik sa pagho-host sa The Buzz. At doon niya sinabing ibibigay niya ang Hummer kay Kuya Boy. After ng programang nilang A& A naman noong Sept. 15 ay sinorpresa siya ni Kris nang sabihin nito na ibibigay na niya ang hinihinging Hummer bilang advance birthday gift. Naroon na pala iyon sa paradahan ng ABS-CBN2.

Nag-post ng maikling video si Kris sa kanyang Instagram na may caption na,”Because he is my best friend, because I’m so grateful he’s alive & because I want to make him happy. I gave Boy the Hummer tonight after A&A. Uulitin ko, kulang pa this gift because sobra-sobra ang pagmamahal, pagtiwala, at pag aasikasong naibigay at patuloy na ibinibigay nya sa kin. Together w/ my brother & my 2 sons, it’s with Boy that I continue to experience the gift of true & unconditional love. * #ýthroughtheyears * #ýiloveboyabunda.”

ni Maricris Valdez Nicasio