Ex-MTPB member arestado

ARESTADO ang isang 52-anyos dating miyembro ng Manila Traffic Parking Bureau makaraan mabisto na nanghuhuli ng mga sasakyan sa Paco, Maynila.

Sinampahan ng kasong usurpation of authority at nakapiit na sa Manila Police District General Assigment and Investigation Section ang suspek na si Emiliano Polo, walang trabaho, ng 1340 Linao Street, Paco, makaraan maaresto dahil sa reklamo ni Dometrio Tupas, 45, miyembro ng MTPB.

Ayon sa ulat ng pulisya, dakong 9 a.m. nang arestohin ang suspek sa Linao Street, Paco, Maynila ma-karaan makita ng isang Sarhento Bautista habang nanghuhuli ng mga sasakyang pumapasok sa one-way.

Ayon sa pulisya, bunsod ng bagyong Luis, kinansela ang trabaho ng MTPB at ipinagbawal sa mga tauhan nito na manghuli.

Bunsod nito, isinakay ni Bautista si Paule sa kanyang sasakyan at dinala sa opisina ng MTPB para makompirma kung miyembro siya ng bureau.

Sa puntong iyong nabisto na dating tauhan ng MTPB si Paule.

“Dati akong miyembro ng MTPB ‘nung panahon ni Mayor Lim pero sa ngayon ay hindi na, nakatayo lang ako dun at hindi ako nanghuhuli,” depensa ni Polo.

(LEONARD BASILIO)