HATAW! D'yaryo ng Bayan hatawtabloid.com
EPEKTIBO na simula kahapon ang suspensiyon bilang senador kay Senate Minority Leader Juan Ponce Enrile.
Inianunsyo ito ni Senate President Franklin Drilon bago siya sumabak sa ALS ice bucket challenge kahapon.
Ayon kay Drilon, natanggap na niya ang final suspension order ng Sandiganbayan laban kay Enrile makaraan ibasura ang motion for reconsideration.
Paliwanag ni Drilon, wala siyang magagawa kundi ipatupad ang kautusan ng Sandiganbayan.
Dahil dito, hindi na maaaring maghain ng ano mang panukalang batas si Enrile, hindi na rin maaaring pumirma sa mga committee report at hindi tatanggap ng sweldo sa loob ng tatlong buwan mula ngayon.
Nilinaw ni Drilon, hindi apektado ng suspensiyon ang mga staff ni Enrile dahil sila ay empleyado mismo ng Senado. (CYNTHIA MARTIN/NIÑO ACLAN)
