Tsekwa timbog sa shabu

ARESTADO  sa National Bureau of Investigation Anti-Organize and Transnational Crime Division (NBI-AOTCD ) ang  Chinese national nang mahulihan ng shabu sa isang condo unit sa Binondo, Maynila, kahapon.

Iniharap sa media  ni NBI Director Virgilio Mendez ang suspek na si Albert So, nasa hustong gulang, ng 15- B Lee Tower Condominium, Sabino Padilla Street, Binondo.

Ayon sa NBI-LAGDO na pinangunahan ni agent Moises Tamayo, natanggap nila ang warrant of arrest  laban sa isang Jaime Chua sa kasong  Violation of Section 6 Article II of Republic Act 9165, na nagtatago sa isang condo sa Binondo.

Dahilan para magsagawa ng follow-up ope-ration ang awtoridad sa nasabing lugar na naging dahilan upang maaresto si So nang hindi maabutan ng mga awtoridad si Chua.

Narekober ng mga awtoridad ang limang transparent plastic sachet na naglalaman ng shabu at iba pang drug paraphernalia.

Nakatakdang sampahan ng kaukulang kaso si So.

(leonard basilio)