3-anyos totoy patay sa truck

HALOS mawalan ng ulirat ang ina ng 3-anyos  totoy, namatay matapos masagasaan ng mini-dump truck, habang naglalaro sa labas ng kanilang bahay, sa Mandaluyong City.

Kinilala ni SP01 Virgilio Bismonte, may hawak ng kaso, ang biktimang si Denver Medina, ng #248 Sto. Rosario St., Brgy. Plainview, ng lungsod.

Agad naaresto ng mga awtoridad ang drayber na si Arnel Roxas, 34-anyos, ng Blk-37 Welfareville Compound.

Sa imbestigasyon, dakong 9:45 ng umaga, mag-isang naglalaro ang bata sa harap ng kanilang bahay  nang masagasaan ng mini-dump truck Isuzu model-1994, may plakang RKC-118.

Agad dinala ng mga magulang ang bata sa Mandaluyong City Medical Center pero ideneklara itong dead on arrival ng mga doctor.

Nakapiit ngayon ang suspek sa Mandaluyong PNP detention cell at nakatakdang sampahan ng kasong Reckless Imprudence Resulting to Homicide. (EDWIN MORENO)