1 dedbol, 2 sugatan sa videoke rambol
TINUTUGIS ngayon ng mga tauhan ng Las Piñas City Police ang tatlong lalaki na sangkot sa suntukan at pamamaril sa videoke bar na ikinamatay ng isang lalaki at ikinasugat ng dalawa pa sa Las Piñas City kamakalawa.
Nahaharap sa kasong murder, frustra-ted murder at physical injuries ang arestadong mga suspek na sina Christopher Tagle, 24, at Jerson Dimaranan, pawang ng #395 Molino 3, Bacoor, Cavite.
Patuloy naman pinaghahanap ang mga nakalalaya pang mga suspek na sina Jessie dela Cruz, Felipe Esquerra at alyas Rex ng Molino 3, Bacoor, Cavite.
Namatay sa insidente si Jonathan Pucio, 25, ng Medina Compound, Brgy. Ta-lon 4, Las Piñas, habang sugatan ang Indian national na si Ryan Singh, 25, ng Brgy. Talon 5, at ma-ging ang suspek na si Tagle.
Base sa ulat ng pulisya, dakong 2 a.m. pawang umiinom ng alak ang mga biktima at suspek sa loob ng R-75 KTV Bar sa Marcos Alvarez Avenue, Brgy. Talon 5, nang magkaroon ng pagtatalo ang dalawang grupo sa hindi mabatid na dahilan.
Ang pagtatalo ng grupo ay nauwi sa suntukan hanggang magbunot ng baril ang grupo ng mga suspek at nagpaputok. Tinamaan ng bala sina Pucio at Singh gayundin ang suspek na si Tagle.
(JAJA GARCIA)
