HATAW! D'yaryo ng Bayan hatawtabloid.com
MA at PA
ni Rommel Placente
SIXTEEN years nang kasal sina Judy Ann Santos at Ryan Agoncillo. At sa loob ng mahigit isang dekadang pagsasama, nanatiling matatag ang kanilang relasyon.
Sa tanong kay Juday kung ano ba sa tingin niya ang sikreto sa masaya nilang pagsasama ni Ryan, ang sagot niya, “Palagay ko importante ‘yung kaya ninyong pagtawanan ang isa’t isa. Malaking factor ‘yun.
“‘Yung respeto lang sa space kasi may mga moment na kahit magkasama kami everyday, may times na ayaw magsalita niyong isa. ‘Di rin magsasalita ‘yung isa.
“Kumbaga okay lang ‘yun.
“Malakng factor din na nakatutulong sa amin na may banyo nights kami, nag-uusap kami sa banyo.
“Halimbawa tulog na ‘yung mga bata, nagtu-toothbrush, ganyan. Nag-uusap kami, nagkukuwentuhan kami sa mga nangyari sa buong araw namin o pagtsitsismisan namin kung ano ang mga issue.
“Minsan walang kapararakang bagay or kung sino ang napanood namin. O minsan malalim, it’s about life.
“Minsan from Yohan or Lucho o Luna. Importante na napagtatawanan ninyo ‘yung mga bagay-bagay, and yes it’s important you spend time together.
“’Di naman kailangan lumabas kayo ng bansa. ‘Di naman kailangang magastos, puwede namang mag-picnic lang kayo sa park or little things that will actually give you time together. Okay na okay na ako roon.
“’Di siya kailangan na maging magarbo. Being together is more than enough for me,” mahabang esplika pa ng magaling na aktres.
