Mga gamot, wala nang VAT — Rep. Tiangco

ISINUSULONG ni Navotas Representative Toby Tiangco ang pagpapalawak ng value added tax (VAT) exemptions sa mga essential medicines, bilang patunay na ang mga patakarang buwis sa ilalim ng administrasyong Ferdinand Marcos, Jr., ay tunay na nagbibigay ng makabuluhang benepisyo sa mga Filipino.

Ito ay kasunod ng anunisyo ng Bureau of Internal Revenue (BIR) na may karagdagang 19 gamot na isinama sa listahan ng mga VAT-exempt, kabilang ang mga gamot para sa kanser, diabetes, at iba pang seryosong karamdaman.

“Lagi pong sinasabi ng ating Pangulo na walang maiiwan sa Bagong Pilipinas, and this VAT exemption is proof that the government is taking steps to ensure that all Filipinos have equal access to life-saving medication,” ayon kay Cong. Tiangco.

Kabilang sa mga VAT-exempt medicines ay ang mga gamot sa cancer na Bortezomib 3.5 mg, Docetaxel 20 mg/mL (80 mg/4mL), Lenvatinib 10 mg, 4 mg,  Lenalidomide 7.5 mg, 20 mg,  Paclitaxel (various IV formulations), Tegafur + Gimeracil + Oteracil Potassium (20/5.8/19.6 mg and 25/7.25/24.5 mg).

Mga gamot sa diabetes na tulad ng Saxagliptin + Dapagliflozin 5 mg/10 mg,  Metformin + Teneligliptin (500 mg/20 mg and 1 g/20 mg).

Para sa cholesterol na Atorvastatin + Fenofibrate 20 mg/160 mg, gamot sa hypertension na Losartan + Rosuvastatin + Amlodipine (various strengths) at Metoprolol + Ivabradine (25 mg/5 mg and 50 mg/5 mg).

Sa kidney disease na Peritoneal dialysis solution with 2.5% dextrose, sa tuberculosis Rifampicin + Isoniazid + Pyrazinamide 75/50/150 mg (dispersible tablet) at para sa mental health na Lamotrigine (5 mg, 25 mg dispersible and tablet forms).

Kaya hinihikayat ni Cong.  Tiangco ang lahat na maaaring isumbong ang mga botika na hindi  sumusunod sa itinatalagang VAT exemption. (VICK AQUINO)