HATAW! D'yaryo ng Bayan hatawtabloid.com
OPISYAL na sinimulan ng Globe Telecom ang kanilang sports advocacy program, ang Globe Sports na sumusuporta sa dalawang koponan na pambato ng bansa sa larangan ng football, ang Philippine women’s national football team na Malditas at ang Philippine national futsal team na Muzang.
Layunin ng Globe Sports na tulungan ang mga atletang Pinoy na may kakayahang pang world-class at pagpapatibay ng kamalayan sa larangan ng sports sa iba’t ibang Globe CSR communities upang makadiskubre ng mga “grassroots talents.”
“Through this advocacy, we are effectively strengthening sports development in the country. Football is just the first step because our sports advocacy is not a mere sponsorship channel but it’s actually a long term partnership to develop sports programs for our Globe CSR communities,” pahayag ni Ernest Cu, Presidente at CEO ng Globe.
Bago pa man ang opisyal na paglulunsad ng kanilang sports advocacy, sinusuportahan na ng Globe ang Green Archers United Football Club o GAU FC sa United Football League pati ang Captain ng Azkal na si Chieffy Caligdong, DLSU Greenhills Football Team at ilang pang Futsal tournaments mula nakaraang taon.
Sa pagsuporta sa Malditas at Muzang kabilang ang GAU FC at DLSU Greenhills Football Team, ang Globe ngayon ang pinakamalaking stakeholder ng football sa bansa. Dadalhin ng mga koponang ito ang “Globe Football Para Sa Bayan” bilang kanilang CSR Football advocacy.
Sa darating na Oktubre 26, gaganapin ang pinakamalaking “Globe Football Para Sa Bayan” sa DLSU Zobel Globe Football Field sa Ayala Alabang Village. Makikilahok sa pagdiriwang ang Gawad Kalinga, Futcaleros, Dream Big Pilipinas, Pinay FC at Payatas FC. Pangungunahan ni Caligdong at iba pang atleta mula sa Malditas ang football clinics katuwang ang DLSU Greenhills at Zobel Football teams.
