BUMANGGA sa isang tindahan ang isang public utility jeepney (PUJ) na ikinasugat ng ilang pedestrian sa kahabaan ng F. Blumentritt corner N. Domingo St., sa lungsod ng San Juan, nitong Miyerkoles, 9 Abril.
Ayon sa San Juan City Disaster Risk Reduction and Monitoring Office (CDRRMO) at ilang mga nakasaksi, naganap ang insidente dakong 7:50 ng umaga kahapon at ilang pedestrian, at isang rider ang nasaktan.
Agad binigyan ng paunang lunas ng mga nagrespondeng rescue team ang mga biktima na kasalukuyan nang nasa ligtas na kondisyon.
Ayon sa mga saksi, umaatras ang jeep nang mawalan ito ng preno, dahilan upang masagasaan ang mga pedestrian.
Kasalukuyang nasa kustodiya ng pulisya ang driver ng jeep para sa kaukulang dokumentasyon at disposisyon.
