HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NATAWA naman kami ng kuwento ni Sylvia Sanchez na nagka-iyakan ang mga barakong bida sa Metro Manila Film Festival 2024 entry ng Nathan Studios Inc., ang Topakk na pinagbibidahan nina Cong. Arjo Atayde, Julia Montes, Sid Lucero, at idinirehe ni Richard Somes.
Ito ang ibinuking sa amin ni Ibyang nang kulitin namin ukol sa isinagawang Cast Screening noong November 16 na isinagawa sa Mowelfund at tinawag nilang Coming Home matapos itong dalhin sa Cannes Film Festival 2023 na tuwang-tuwa nga raw ang lahat matapos mapanood ang Topakk.
Ani Sylvia, “After nilang (buong cast) mapanood grabe ang saya-saya nila at ang ingay-ingay. Grabe ang kuwentuhan sa mga eksena.
“Matagal kasing hinintay ng cast na mapanood nila ang movie dahil ni minsan hindi nila napanood ito dahil dinala nga namin sa ibang bansa.
“Kaya excited silang mapanood ang movie nila,” nakangiting tsika ni Ibyang.
November 16 ginanap ang Cast Screening na bukod kina Arjo, Julia, at Sid dumating ang buong cast tulad nina Kokoy de Santos, Michael Roy Jornales, Vin Abrenica, Paolo Paraiso, Enchong Dee, at marami pang iba.
“Ang saya-saya nagdatingan ang buong cast, tawanan, kuwentuhan habang nagla-lunch. Excited kung ano itsura ng kabuuan ng pelikula.
“Noong nagsimula na ang movie biglang tumahimik lahat at walang tumatayo para umihi. Hindi ka pwedeng tumayo dahil marami kang mami-miss,” nakangiting pagbabahagi ni Ibyang.
“At nagpapalakpakan pa sila sa mga ibang eksena at may mga tumatawa sa mga nakaaaliw na dialogue.
“At pagkatapos mapanood, nagkamayan silang lahat. ‘Yung iba nagyakapan at kitang-kita sa mga mukha nila na kuntento sila sa napanood nila,” wika pa ng producer.
Kitang-kita naman ang excitement sa pictorial na isinagawa after ng cast screening. At sinabi ng buong cast na lahat siya ay excited mag-promote ng Topakk.
Kaya ‘wag kalimutang panoorin, ang Topakk sa December 25 na isa sa sampung entries sa darating na Metro Manila Film Festival. Topakk na!!
