Tuesday , September 17 2024
Daniel Fernando

Kasunod ng oil spill incident mula sa MV Terranova
INCIDENT COMMAND POST INALERTO NI GOV. FERNANDO

INIHAYAG ni Bulacan Governor Daniel R. Fernando ang pagpapalabas ng memorandum para sa mga lokal na punong ehekutibo sa lalawigan hinggil sa mandato para sa agarang aksiyon bilang tugon sa potensiyal na banta ng oil spill sa baybayin ng Bulacan mula sa tumaob na tanker na MT Terranova sa Limay , Bataan sa isinagawang Joint NDRRMC – RDRRMC3 Emergency Meeting on the Oil Spill Incident in the Province of Bataan na ginanap sa RDC Hall, NEDA Region III, DMGC, Maimpis, City of San Fernando, Pampanga.

Sa Memorandum DRF-07292024 na naka-address sa LCE ng mga lungsod ng Malolos at Meycauayan, Bulakan, Hagonoy, Calumpit, Marilao, Paombong, at Obando, mariing pinayohan ni Fernando na lahat ng fishpond operator ay dapat anihin ang kanilang mga isda, alimango, hipon, at iba pa sa lalong madaling panahon bago sila mahawa ng langis, gaya ng inirekomenda ng Provincial Disaster Risk Reduction and Management Council.

Ini-activate na rin ni Fernando ang incident command post ng lalawigan isang araw matapos ang mga ulat sa oil spill incident na pinamumunuan ni Bulacan Environment and Natural Resources Officer, Atty. Julius Victor C. Degala at Provincial Disaster Risk Reduction and Management Officer Manuel M. Lukban na pangasiwaan ang patuloy na monitoring at assessment sa mga apektadong lugar.

“Ngayon po ay patuloy ang ating pagsasagawa ng mga aksiyon at nag-create po tayo ng technical working group at nagtalaga po kami ng incident commander which is BENRO and PDRRMO para masubaybayan ang lahat ng mga nangyayari,” ayon sa gobernador.

Pinayohan din niya ang mga mangingisda na iwasan ang paglalayag sa mga lugar na apektado ng oil spill habang ang mga may-ari ng fishpond na may dike ay dapat tiyakin na ang kontaminadong tubig ay hindi papasok sa kanilang mga fishpond at dapat panatilihing nakasara ang check gates o sluices.

Batay sa ulat ni Atty. Degala, nagpakalat na rin ang Philippine Coast Guard (PCG) ng 70 tauhan at dalawang pick-up truck, isang boom truck, isang JAC Truck at isang Rigid Hull Inflatable Boat (RHIB) na nakatalaga sa Staging Area sa CGSS Obando at sa Bulacan PDRRMO.

Nakatipon ang PCG ng 600 coconut logs, 11 25-meter segment fence booms, 10 pakete ng oil snare booms, anim na bales ng absorbent pads, at limang bales ng absorbent booms na nakaposisyon sa CGSS Obando.

Sa pulong na pinangunahan ni Department of the Interior and Local Government (DILG) Secretary Benjamin C. Abalos, Jr., iba’t ibang ahensiya kabilang ang PCG, Bureau of Fisheries and Aquatic Resources (BFAR), DILG, National Disaster Risk Reduction and Management Council (NDRRMC), Department of Environment and Natural Resources (DENR), at Department of Social Welfare and Development (DSWD) at iba pang mga lokal na yunit ng pamahalaan ay nagbigay ng kanilang mga ulat sa sitwasyon at ang mga aksiyon na ginawa upang maiwasan at mabawasan ang pagkalat ng Industrial Fuel Oil (IFO) na tumatapon sa fuel tanker, na nagdudulot ng mga panganib sa kalusugan, sa kapwa tao, at buhay sa tubig na nakalantad sa kontaminasyon.

Kasama ng konseho, iminungkahi ni Abalos na magsagawa ng pang-araw-araw na pagsusuri at pagsubaybay sa kalidad ng tubig ng mga apektadong lugar at ang paglikha ng core group na responsable sa koordinasyon at pamamahala sa pagtugon sa mga local government units (LGUs) na apektado ng oil spill.

“What is important is you do your report and everyday testing (water quality), ibigay agad sa mga gobernador, sa mga mayors – sa lahat. Napaka-importante noon,” saad ng kalihim.

Ang mga kamakailang ulat ay nagsabi na ang Marine Science Institute ay may naobserbahang ilang oil sheens at oil slicks malapit sa tubig ng Barangay Taliptip sa Bulakan; Tibagin sa Hagonoy; at sa Brgy. Pamarawan, lungsod ng Malolos. (MICKA BAUTISTA)

About Micka Bautista

Check Also

Yaya Wanted MARY ROSE PARENAS aka JOSEPHINE AQUINO DUEÑAS

Nagpabili ng sanitary napkin
NOTORYUS NA ‘KASAMBAHAY’ NAKATAKAS SA POLICE ESCORT

INIIMBESTIGAHAN ng Quezon City Police District-Criminal Investigation and Detection Unit (QCPD-CIDU) ang kanilang kapuwa pulis, …

091624 Hataw Frontpage

Senador itinuro sa appointment ni Garma sa PCSO

ni GERRY BALDO MAYROONG malaking papel si Sen. Christopher Lawrence “Bong” Go, kaya mula sa …

ICTSI Mexico

Paglalayag sa bagong karagatan
Ang Kolaborasyon ng ICTSI Mexico-Philippines  at ang Pandaigdigang Epekto nito sa Ekonomiya 

SA PANAHON ng globalisasyon, krusyal ang pakikipag-ugnayan sa iba’t ibang rehiyon para pahusayin ang kalakalan …

ICTSI Mexico image Ad FEAT

Each high-grade Colima lime can rely on our high-level port handling every time. (ICTSI)

EACH HIGH-GRADE COLIMA LIME CAN RELY ON OUR HIGH-LEVEL PORT HANDLING EVERY TIME. Authentic limonada, …

Rodante Marcoleta

Rep. Marcoleta Naghain ng Panukalang Batas para sa Karagdagang Pondo ng mga Barangay

Inihain ni Rep. Rodante Marcoleta ang House Bill 9400 na layong magbigay ng direktang suportang …