Monday , August 4 2025
Keita Kurihara Renan Portes
MAKIKITANG lumuhod si Japanese fighter Keita Kurihara sa harap ng nakaupong si Pinoy boxer Renan Portes upang humingi ng paumanhin nang ideklara siyang panalo ng mga hurado sa pamamagitan ng split decision sa kanilang bantamweight non-title bout noong Lunes, 22 Hulyo, sa Korakuen Hall sa Japan. (Mga retrato mula sa Facebookaccount na Trending Now/Edmond Lapitan Dellosa)

Desisyon ng mga hurado hindi tinanggap
JAPANESE PUG IDINEKLARANG WAGI TUMANGGI, SORRY HININGING NANIKLUHOD SA PINOY BOXER

ni MARLON BERNARDINO

TUMANGGI si Japanese fighter Keita Kurihara na tanggapin ang desisyon ng mga hurado na nagdedeklarang panalo siya laban kay Filipino boxer Renan Portes sa kanilang bantamweight non-title bout noong Lunes, 22 Hulyo, sa Korakuen Hall sa Japan.

Sa laban ng dalawang bihasang sluggers nanalo ang 31-anyos Japanese boxer sa pamamagitan ng split decision.

Ibinigay ni Judge Toshio Sugiyama at Shuhei Terayama ang laban kay Kurihara na may magkatulad na 78-74 scores, habang si Katsuhiko Nakamura ay nagbigay ng 78-74 para sa Pinoy (Bukidnon boxer) na si Portes.

Sa pakiramdam na hindi siya karapat-dapat sa panalo, si Kurihara, isang Oriental at Pacific Boxing Federation bantamweight champion, ay umiling at umiyak kaagad pagkatapos ipahayag ang desisyon.

“I didn’t win!” sabi ni Kurihara.

“My punches missed their target and I was spinning around. I got hit quite a lot. It was the worst possible situation and I was completely defeated,” pag-amin ni Kurihara.

Mabilis na pumunta si Kurihara sa locker room ni Portes at sinabing magpoprotesta siya at hihingi ng repaso sa laban sa desisyon.

Napabuti ni Kurihara ang kanyang rekord sa 19 panalo, kabilang ang 16 knockout, laban sa walong talo at isang tabla, habang si Portes ay nahulog sa 13-17 win-loss tally na may anim na KOs.

Sa rami ng emosyong dumaloy, kinuha ng Japanese fighter ang mikropono at idiniin kung ano talaga ang nararamdaman niya sa laban – kahihiyan at pagpapakumbaba upang humingi ng tawad kay Portes.

“I was treated as the winner in the end, but I lost. It’s embarrassing that I was declared the winner. I’m really sorry,” buong kahihiyan at kababaang-loob na pahayag ni Kurihara.

Krystall Herbal Products and FGO Branches

About Marlon Bernardino

Check Also

SM Supermalls 40 SUPER YEARS

SM celebrates 40 SUPER YEARS with over 3,500 amazing deals!

Manila, Philippines — SM Supermalls is celebrating 40 SUPER YEARS of retail excellence, community building, …

Agatha Wong The World Games 2025

Agatha Wong ng Wushu flag bearer sa The World Games 2025

NAPILING isa sa mga flag bearers ang Filipina wushu gold medalist na si Agatha Chrystenzen …

Sara Duterte Supreme Court

Sa impeachment trial vs VP Sara
DESISYON NG SC PUWEDE BAGUHIN

HATAW News Team MAITUTUWID pa ng Korte Suprema ang kanilang sarili at maaari pang baliktarin …

House Hotshots Javi Benitez Brian Poe Llamanzares Ryan Recto

House Hotshots, nagsusulong ng makasaysayang panukalang batas para sa Climate Resilience

ISANG grupo ng mga batang mambabatas na kilala bilang House Hotshots ang nagsusulong ng makabuluhang …

PM Vargas

Batas sa kalusugan, kabuhayan, at edukasyon tugon sa panawagan ni PBBM — solon

SA PAGTAPOS ng State of the Nation Address (SONA), nangako si Quezon City District V …