David umaming pwedeng main-love kay Barbie

MALAYO na talaga ang narating ng BarDa loveteam na sina Barbie Forteza at David Licauco dahil sa sunod-sunod na teleserye ng dalawa na talaga namang nagkiki-click sa masa.

Sa kauna-unahang pagkakataon ay gagawa ng romantic-comedy sina Barbie at David na pinamagatang That Kind of Love. 

Istorya ito ng isang love coach portrayed by Barbie na na- inlove sa kanyang mayamang kliyenteng si David.

Sa katatapos na grand media conference ng pelikulang That Kind  of Love ay buong tapang na sinagot nina Barbie at David ang tanong ng mga media tungkol sa kanilang tunay na relasyon.

Alam kasi naman ng lahat na boyfriend ni Barbie si Jak Roberto in real life kaya natanong kay David, sakaling single si Barbie, posible kayang ma-inlove siya rito?

“To be honest, Barbie is a girlfriend material, she is nice, beautiful and very kind so to answer that question, yes but of course, we are here as a love team and we just do our best para pakiligin ang aming fans as a loveteam,” mahinahong sagot ni David.

May isa pang press ang nagtanong kay David kung single ba raw ito ngayon or may girlfriend?

“What you see is what you get, kung may nakita kayo sa social media ko na may kasama ako or sa daan na may ka-holding hands kayo na po ang humusga,” muling sagot ni David.

“Alam n’yo po kung may higit na nakakakilala kay David ako po ‘yun kasi ako ang madalas niyang nakakasama. He is a private person and as much as possible ayaw niyang pinag-uusapan ang personal niyang buhay kaya hayaan na lang po natin siya, sa kanyang personal na buhay,” pagtatanggol ni Barbie kay David.

Natanong ng inyong lingkod kung ano bang preparation ang ginagawa ng dalawa kapag mayroon silang intimate scenes like kissing scene?

“Naku ‘yang si David nanghihiram sa akin ng toothpaste ‘yan, he make sure mabango hininga niya before our intimate scenes bilang respeto niya raw sa kin,” natatawang kwento ni Barbie.

Makakasama nina Barbie at David sa pelikula sina Arlene Muhlach, Al Tantay, Jeff Gaitan, Divine Aucina, Ivan Carapiet and Kaila Estrada written by Ellis Catrina and directed by Catherine Camarillo. This is produced by Pocket Media Productions and distributed by Regal Entertainment. That Kind of Love opens in cinemas nationwide on July 10, 2024.