Mag-asawang Cecille at Pete Bravo pinarangalan sa 2024 Netizens Choice Awards 

MATABIL
ni John Fontanilla

MULING tumanggap ng natatanging pagkilala sa katatapos na Netizens Choice Awards 2024 na ginanap sa Okada, Manila ang mag-asawang celebrity/businessman Pete at Cecille Bravo at ang kanilang kompanyang Intele Builders and Development Corporation.

Iginawad sa mag-asawa ang Most Empowered Business Leader & Couple Enterpreneur of the Year. Habang ang kanilang kompanya ay nakatanggap ng  Certified Netizens Choice Innovative Telecommunication Construction Services 

for earning the netizen’s trust through their Strong Online  Presence and Responsibls way of using the Internet.

Kaya naman buong pusong pasasalamat ang gustong iparating ng mag-asawa sa pamunuan ng Netizens Choice Awards 2024.

Bukod sa pagiging Philanthropist ay nakagawian na ring tumulong at sumuporta sa entertainment industry ang mag-asawang Pete at Cecille at ilan nga rito ang PMPC 15th Star Awards for Music na ang kanilang kompanya ang nag-sponsor ng trophy, bumili ng sangkaterbang tiket sa One More Chance, The Musical sa Peta, at ang Miss Saigon sa Solaire, gayundin ang katatapos na matagumpay na konsiyerto ni Ice Seguerra sa Music Museum.