Bakit hindi pa naaaresto?
QUIBOLOY MAPANGANIB — HONTIVEROS

NANINIWALA si Senadora Risa Hontiveros na isang mapanganib na tao si Kingdom of Jesus Christ (KOJC) appointed son Pastor Apollo Quiboloy kung kaya’t nagbabala na dapat maaresto ng awtoridad sa lalong madaling panahon.

Ipinagtataka ni Hontiveros, sa kabila na dalawang warrant of arrest ang inilabas laban kay Quiboloy ay patuloy na nakalalaya at maituturing na pugante sa batas.

“Pugante si Quiboloy kaya’t huwag nang mag-alinlangan ang PNP na bawiin ang mga armas niya,” ani Hontiveros.

Iginiit ni batid sa social media na mayroong private army ang pastor ngunit nagtataka siya na tila nagbubulag-bulagan ang pulisya.

“The PNP should do better, I urge the new PNP Chief P/Gen. Rommel Marbil to step up,” dagdag ni Hontiveros.

Naniniwala si Hontiveros, patunay ito na mayroon tayong failure sa  intelligence kung mabibigong matukoy at mahanap ang kinaroroonan ni Quiboloy.

Binigyang-linaw ni Hontiveros, banta rin sa kapayapaan at katahimikan si Quiboloy kung hindi pa rin nahuhuli hanggang ngayon. (NIÑO ACLAN)