Repakol handang-handa na para sa US tours

John Fontanilla March 18, 2024 Entertainment, Events, Music & Radio

HANDANG-HANDA na para sa kanilang US Tour, Tropa North Bound Tour ang bandang Repakol (Siakol) sa Abril, Mayo, at Hunyo 2024.

Ang Repakol ay binubuo nina Noel Palomo (Singwriter, composer & vocalist), Miniong Cervantes(Lead Guitar), Alvin Palomo (Guitar), Wilbert Jimenez (Guitar), Raz Itum (Bass Guitar), at Zach Alcasid (Drums).

Sa mediacon ng grupo kamakailan ay inanunsiyo nila na tuloy na tuloy na ang pagpapasaya nila sa ating mga kababayan sa Amerika na magsisimula sa April 20 sa Rams Head Live, April 26 sa 58 Manor, April 28 sa Port ‘N Starboard Ocean Front Banquet Center, May 11 sa Ur Coliseum, May 18 sa Buko Resto-Bar, May 24 sa Patio Theater, at sa June 15 sa Fox Theater.

Aawitin nila ang kanilang mga hit song gaya ng Bakit Ba, Tropa, Ituloy Mo Lang, Peksman, Lakas Tama at marami pang iba.

Makakasama nila sa kanilang US Tour sina Paul Sapiera ng Rockstar/Arkasia (Fox Theater California), The Melllow Dees Band na binubuo nina Melody Del Mundo ex Sugar Hiccup vocals and guitar, Wolf Gemora ng Wolfgang, at Locomotiv (drums), at Nievera a.k.a Robin Nievera.

Bukod sa kanilang mga nabanggit na schedules ay nakatakda rin silang mag-perform sa mga kababayan natin sa Los Angeles at Hawaii.