Luha ni Mami Min tagos sa puso

HATAWAN
ni Ed de Leon

NANG tumulo ang luha ni Min Bernardo, nanay ni Kathryn habang ang kanyang anak ay muling pumipirma ng kontrata sa ABS-CBN at tinawag nga nilang Asia‘s Superstar, palagay namin iyon ang pinaka-matinding dagok kay Daniel Padilla na mas matindi kaysa pamba-bash sa kanya ng fans.

Iba ang luha ng ina basta nakita ng publiko dahil alam niya ang sakit, ang naging damdamin at paghihirap ng kalooban ng kanyang anak mula nang malaman niyon mula mismo sa isang babaeng nagsabing nakatalik niya si Daniel nang minsang malasing siya sa bahay mismo niyon, na siyang dahilan kung bakit masakit man, nakipag-break nga si Kathryn sa aktor. At sino ba ang higit na makakaalam ng paghihirap ng kalooban ng isang anak kundi ang nanay.

Pero mabait pa rin si Min dahil ni katiting wala kang narinig na masamang salita laban kay Daniel o sa babaeng nakasama niyon sa kanyang kataksilan. Sa kanila, umibig si Kathryn, naloko at  magsisilbi na lang iyong leksiyon sa kanila para mas maging maingat sa susunod.

Noong mapanood namin iyon, ang nasa isip namin siguro nga kung kapatid namin si Kathryn, baka baupakan namin iyang si Daniel oras na makita namin. Pero ano nga ba ang pakialam namin sa kanila?