Socmed Superstar Bernie Batin nominado sa 15th Star Awards for Music

MATABIL
ni John Fontanilla

NOMINADO sa kategoryang Novelty  Song at Artist of the Year sa PMPC’s 15th Star Awards for Music ang komedyante at tinaguriang pinaka-masungit na tindera sa social media na si Bernie Batinpara sa kanyang awiting Pabile, Wanpipte mula sa Ivory Records and Videos.

Sobrang happy ni Bernie sa nominasyong nakuha dahil first song at first nomination na niya ito bilang singer. Kaya naman nagpapasalamat siya sa mga bumubuo ng Star Awards.

Excited na nga itong malaman kung sino ang mananalo sa kategoryang nominado siya at win or loose ay okey lang sa kanya. Ang mahalaga, napansin siya at ang kanyang song ng Philippine Movie Press Club (PMPC).

Makakalaban ni Bernie sa Novelty Song of the Year ang Barbero ni KJ Reyes, KJ Ng Pilipinas Music;  Gusto Kita ni Louie Roa, Interstreet Recording; Pag-ibig Ko’y Panalo ni Kakai Bautista, Star Music; Quaranfling ni Ken Chan, GMA Music;  at Wag Kang Bitter ni Seth Mendoza, Gasera Records.

Sa Novelty Artist of the year naman ay makakabakbakan niya sina Louie Roa, Gusto Kita, Interstreet Recordings; Kakai Bautista, Pag-ibig Ko’y Panalo, Star Music; Ken Chan, Quaranfling, GMA Music; KJ Reyes, Barbero, KJ Ng Pilipinas Music; at Seth Mendoza, Wag Kang Bitter, Gasera Records.