Mag-ina dedbol sa polio victim (Resbak sa bullying )

KALIBO, AKLAN – Paghihiganti ang pangunahing motibo ng 39-anyos polio victim sa brutal na pagpatay sa mag-ina sa Brgy. Tigayon, Kalibo, Aklan.

Inamin ng suspek na si Michael Diangson na hindi niya pinagsisisihan ang pagpatay kina Emily Ruzgal, 45, at Jan Carlo Ruzgal, 16, pawang residente ng naturang lugar.

Ayon sa kanya, palagi siyang binu-bully o pinapahiya ni Jan Carlo sa tuwing sila ay magkasalubong lalo na kapag kasama niya ang kanyang mga barkada at classmates.

Sinabi  ni  Diangson, ilang araw niyang pinag-isipan ang pagpatay kay Jan Carlo at nitong Huwebes ng madaling araw ay nabigyan ito ng katuparan.

Sa kabilang dako, nangibabaw ang takot sa kanyang buhay at ginagambala siya ng kanyang konsensiya kaya sumuko sa mga awtoridad.

Si Jan Carlo ay dumanas ng grabeng sugat sa katawan, wasak ang bungo sa paghampas ng paddle at may apat na tama ng saksak sa kanyang leeg habang ang kanyang ina ay may laslas sa leeg at sinakal ng computer cord.

Nakatakdang sampahan ang suspek ng two counts ng murder. (HNT)