HATAW! D'yaryo ng Bayan hatawtabloid.com
MASUSING iniimbestigahan ng mga awtoridad ang iniulat na nakawan sa loob ng isang kilalang botika sa Quezon City, nitong Linggo ng umaga.
Sa report ng Quezon City Police District (QCPD) Fairview Police Station (PS-5), bandang 5:10 am kahapon, 1 Oktubre, nang madiskubre ang nakawan sa Mercury Drug sa Commonwealth Ave., North Bound, Brgy. Greater Fairview, Quezon City.
Batay sa inisyal na imbestigasyon nina P/Cpl. Romnick Labuguen at P/MSgt. Arnel Campos, nadiskubre ng assistant manager na si Lorna Magadan at cashier na si Mary Allen Paranall na puwersahang binuksan ang vault ng botika at nawawala ang hindi pa matukoy na halaga ng cash.
Ayon sa pulisya, nagsasagawa pa ng imbentaryo ang mga nangagasiwa sa drug store upang malaman kung bukod sa pera ay may nasikwat pang ibang commodities.
Inaalam ng pulisya kung may naganap na inside job sa nasabing nakawan sa nasabing botika. (ALMAR DANGUILAN)
