Pinal na kopya ng Maharlika Investnment Fund Bill isusumite ngayong Linggo sa Palasyo

NAIS ng Senado na maisumite sa palasyo ng Malakanyang ngayong linggo ang Maharlika Investment Fund (MIF) Bill.

Ayon kay Senate Majority Leader Joel Villanueva, posibleng ngayong linggong ito ay ma-i-transmit na ng Mataas na Kapulungan sa Office of the President ang enrolled bill ng panukalang sovereign wealth fund.

Binigyang-linaw ini Villanueva na wala naman umano siyang nakikitang dahilan para patagalin o ma-delay pa ang MIF Bill hanggang sa susunod na linggo.

Tinukoy ni Villanueva na ito ay urgent at priority measure ni Pangulong Bongbong Marcos kaya naman sa lalong madaling panahon ay ipapadala agad ang MIF bill para malagdaan na ng Presidente.

Binigyang-diin ini Villanueva na kahit wala ngayon ang Senate President ay magagawan naman umano ng paraan para mapirmahan ang panukala sa pamamagitan ng e-signature para agad din ay ma-i-transmit na ito sa Malakanyang.

Sa kasalukuyan ay nasa Senate at House Secretariat ang panukala kung saan ipinapasok ang mga ‘perfecting amendments’ para sa ilang typrographical errors at nadobleng probisyon para sa pagpaparusa ng mga mangaabuso sa Maharlika fund.  (NIÑO ACLAN)