HATAW! D'yaryo ng Bayan hatawtabloid.com
UMABOT sa 13 indibidwal ang napaulat na nasugatan dahil sa paputok noong pagsalubong ng Bagong Taon sa Navotas City.
Sa report ni P/SSgt. Karl Benzon Dela Cruz kay Navotas City police chief P/Col. Dexter Ollaging, noong 8:00 am ng 1 Enero 2023, 13 indibidwal ang naitala na dinala sa Navotas City Hospital (NCH) dahil sa mga pinsalang may kinalaman sa paputok.
Ang mga sugatan biktima ay kinabibilangan ng dalawang batang babaeng edad 8 at 9 anyos, isang 17-anyos lalaki, anim na babae at apat na lalaking, pawang mga nasa hustong gulang.
Isinugod ang mga biktima sa NCH at matapos magamot ang mga sugat at agad din naman silang pinauwi sa kani-kanilang bahay.
Nabatid na may paalala ang pamahalaang lungsod ng Navotas na bawal ang paggamit ng anumang paputok o fireworks alinsunod sa Executive Order No. TMT-060. (ROMMEL SALES)
