HATAW! D'yaryo ng Bayan hatawtabloid.com
MATABIL
ni John Fontanilla
HINDI sagabal ang kahirapan sa taong gustong umasenso at magkaroon ng magandang kinabukasan ayon sa CEO & President ng Rosmar Skin Essentials na si Rosmar Tan.
Aminado si Rosmar na hindi ganoon niya kabilis naabot ang tagumpay at ganda ng buhay na mayroon siya ngayon, pero nagsikap, nagtiyaga, at nagsumikap siya para maabot ang kanyang pangarap katuwang ang very supportive husband na si Nathan kaya naman nng maabot ang tagumpay at magandang buhay ay ibinabahagi naman ito ni Rosmar sa iba.
Katunayan nagbigay ito ng kotse, motor, cellphones, Trip to Singapore at Boracay at cash prizes last December sa kanyang event sa SMX sa Hall 1 and 2 Pasay, City.
Ayon kay Rosmar, “Naranasan ko ring maghirap, pero hindi ‘yun naging handlang para tuparin ang pangarap na umasenso, kaya naman nagsumikap ako kasama ng asawa ko. Kaya naman nakamit ko ‘yung mga pangarap ko.
“Sa ngayon ay okey ang aking negosyo, mayroon akong masayang pamilya at nabibili ko na ang mga bagay na pinangarap ko lang noon.
“Kaya naman ito naman ang oras para tumulong at magpasaya ng ibang tao, kaya namigay ako ng tatlong wigo car, cash na P10k, P20k, P50k, at P100k, sampung motor, iphone at ipad.”
Dagdag pa nito, “Marami rin akong CEO na pinapunta at ipino-promote ko ang no to brand war at nagbigay ako ng hundred million at ng mga trip to Singapore and trip to Boracay.”
Naging espesyal na panauhin ni Rosmar sa kanyang grand event ang ilan sa sikat na celebrities sa bansa. “Mayroon on akong special guest sa aking event sina Gerald Anderson, Michael Pangilinan, Kiray, Dianne Medina, Wilburt Ross, Joseph Marco.”
Pangarap ni Rosmar na mas lumaki pa ang kanyang negosyo para mas marami pa siyang matulungang tao, dahil habang lumalaki ang kanyang negosyo ay dumadami rin ang mga taong kanyang matutulungan.
