HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
HINDI talaga showbiz ang anak nina Aiko Melendez at Jomari Yllana na si Andre Yllana kahit matagal-tagal na rin itong nag-aartista. Diretso at totoo kasi ito sumagot kapag naiinterbyu.
Tulad sa isinagawang The Rain in Espana cast reveal kamakailan ng Viva Entertainment, na isa si Andre sa mga ipinakilalang celebrities na kasama rito at natanong kung ano ang advantage at disadvantage na maging anak ng artista?
Walang paligoy-ligoy na sinabi ni Andre na isang disadvantage para ang pagkakaroon ng mga magulang na parehong sikat sa showbiz.
“Sa totoo lang po, disadvantage pa nga po kasi ‘yung pressure. Siyempre, parehong artista ang mga magulang ko, maraming ine-expect ‘yung mga tao sa ‘yo.
“Para sa akin lang naman po ito, ha. Para sa akin, wala po talagang advantage, disadvantage po para sa akin. ‘Yun lang naman po kasi ‘yung pressure po talaga,” nangingiting sambit ni Andre.
Pero may mga pagkakataon din naman na nae-enjoy niya ang pagiging anak ng celebrity lalo kapag dumadalo ng events dahil nabibigyan siya ng special treatment.
“Siguro, may ilang instances po na magagamit mo siya as advantage, pero ‘di naman para gamitin pa. Kasi, minsan parang may, ‘O, ‘di ba, anak ka ni ganito, anak ka ni ganyan,’ ‘Eh ‘di, ganito ka, ganyan ka,’ ‘O, dito ka na,’ parang may special treatment po,” aniya at sinabing hindi niya inaabuso ang ganitong sitwasyon.
Kasama rin ni Andre sa Wattpad series sina Bea Binene, Francis Magundayao, Marco Gallo, Heaven Peralejo at marami pang iba na ididirehe ni Theodore Boborol.
Natanong din si Heaven, pamangkin nina Rica at Paula Peralejo ukol sa advantage at disadvantage at sinabi nitong, “Parang I’m making my own name. So, I don’t think na sobrang laking part as a Peralejo because I’m making my own name as Heaven, as an actress who can portray a lot of characters and give the roles justice.”
Kasama rin sa serye ang anak ni Lara Morena na si Frost Sandoval, at sinabi nitong, “I can run to my mom whenever I’m not confident in my craft. I think the advantage is she paved a way for my path and I’m following it. In the same way, I’m also trying to make my own way, my own path.”
