James ‘di umubra pagpapa-cute kay Nadine 

MA at PA
ni Rommel Placente

DEADMA si Nadine Lustre sa naging rebelasyon ng kanyang ex-loveteam/boyfriend na si James Reid na ang kanyang latest single na Always Been You ay ginawa niya para sa dating girlfriend.

Kung pakikinggan ang kanta naglalaman iyon ng mensahe na nangungulila sa aktres at gustong-gustong ibalik ang nakaraan at makasamang muli si Nadine.

At dahil dito, sobrang happy ang JaDine fans na umaasa pa ring magkakabalikan ang dalawa at magsasama sa maraming proyekto.

Pero nang makarating ang pagpapa-cute na ito ni James, deadma lang si Nadine na mukhang masaya na kay Christophe Bariou.