Lotlot mas importante ang bonding kay Nora 

MA at PA
ni Rommel Placente

NAPABALITA noon na nagkaayos na ang mag-inang Nora Aunor at Lotlot de Leon. Ang huli ang gumawa ng move para magkaayos sila. Nang ma-ospital si ate Guy, dinalaw at binantayan siya ni Lotlot na naging dahilan para magkaayos sila. 

Nang tanungin si Lotlot kung kain at paano sila nagkaayos ni ate Guy, ayaw naman niyang idetalye.

“Bastaaaaa,” ang sagot ni Lotlot na tumili sa interview sa kanya ng Pep.ph. “Importante ay okey na!” sabay tawa niya.

“Ganoon naman, eh. Minsan hindi naman pinaplano ang lahat ng bagay. Minsan nangyayari na lang. Basta okey na.”

Sa pagkakaayos nina ate Guy at Lolot ay nagkaroon na ulit sila ng communication.

“Yeah, I was just with her a few days ago. Magkasama kami.

“Kaya lang hindi rin kasi para… ‘Di ba, ‘yung magpo-post ka nang magpo-post?

“Kasi, hindi naman importante ‘yun, eh. Ang importante is what I have with her at the moment.”

Samantala, super happy din si Lotlot sa pagkilala sa kanyang mommy Nora bilang National Artist For Film.

“Ay, yeah! Grateful ako, at finally it was given to her.”

Sobrang proud si Lotlot na napasama na sa hanay ng National Artists ang ina

“Nakaka-proud lang talaga. We’re all proud of her.

“I think the whole country is proud of my mom’s accomplishment. Nakatutuwa lang talaga ‘yung recognition na ibinigay sa kanya,” aniya pa.