Madam Inutz humakot ng pera sa birthday dinner ni Genesis Gallios

MATABIL
ni John Fontanilla

WINNER ang birthday dinner show ng entertainment guru at tinaguriang Queen of Entertainment Bar na si Genesis Gallios na may titulong Reign last October 1 sa Manila Hotel.

Nagpasaya at nagpakilig ang kanyang special guests niyang sina Xian Lim sa kanyang medley songs, habang lumilibot sa bawat table samantalang tinilian naman ang ginawang pagta-topless at pagpapakita ng perfect abs ni Vin Abrenica na napakahusay din palang kumanta.

Humakot naman ng salapi ang former PBB housemate na si Madam Inutz habang kinakanta ang kanyang signature song na Inutil na binigyan ng pera ng mga bisita.

Biritan kung biritan naman sa kanilang mga song sina Sephy Francisco at Ima Castro. Hindi naman nagpakabog at napakahusay din ang performance ng Junior New System, Pink Mannequins, Gents Squad, Breezy Boys at ilan pang surprise guests.

Nasorpresa naman ang lahat sa pagrampa ng mga guwapong modelo na naka-trunks.

Hindi naman nagpakabog ang may birthday na si Genesis dahil bongang-bongga rin ang kanyang mga production number.

Nagsilbing launching din ito ng bagong project ni Genesis, ang Gergal Events and Talent Management ipinakita ang ilan sa kanilang magiging proyekto ngayong taon at sa 2023.

Present din sa birthday dinner ang malalapit na kaibigan ni Genesis mula kay Wilbert Tolentino, Raoul Barbosaatbp..

Ang birthday dinner show ni Genesis ay hatid ng Gergall Events and Talent Management, mula sa mahusay na direksiyon ni Mak de Leon.