HATAW! D'yaryo ng Bayan hatawtabloid.com
KITANG-KITA KO!
ni Danny Vibas
ANG walang kaduda-duda na may napapala sa walang pagdadalawang-isip na aminin agad ang relasyon nila ay sina Cherry Pie Picache at Edu Manzano.
‘Di na sila mga bata para mag-inarte pa.
Parang nasa “honeymoon stage” ang walang-pag-aalinlangan, walang-takot na magsing-irog.
Sa latest Instagram post ni Cherry Pie, nasa Florida, USA sila at dumalaw sa mga kamag-anak at kaibigan nila.
Nagsimula ang “honeymoon” nila sa New York, tumuloy sa Los Angeles, at ngayon nga ay nasa Florida sila.
Pati nga ang mga anak ni Edu sa isa sa mga nakarelasyon n’ya ay nakilala na ni Cherry Pie sa Amerika, specifically sa New York.
Sa Pilipinas, masayang-masaya ang anak ni Edu na si Luis Manzano at si Nio Tria na anak ni Cherry Pie na naging mag-sweetheart ang dalawang pinagmulan ng buhay nila.
Parang nasa ibang bansa pa sina Cherry Pie at Edu habang isinusulat ito. Ina-assume ng marami na magli-live in sila. Sa kaninong bahay, ‘di pa natin alam. At saka na siguro pag-uusapan kung gusto ba nilang magpakasal o ‘di na kailangan.
Sina Cherry Pie at Edu ang dapat tularan nina Ruffa Gutierrez at Herbert Bautista. Ano sa palagay n’yo?
