Friday , April 4 2025
Pharmally
Pharmally

Pharmally ‘middleman’ ng Duterte admin

KINUWESTIYON ni Sen. Franklin Drilon ang papel ng Pharmally bilang middleman sa pagbili ng PS-DBM ng medical supplies sa panahon ng pandemya gayong nakipag-usap naman sa gobyerno ng China ang mga opisyal ng administrasyong Duterte.

Ang pahayag ay tugon ni Drilon sa pag-amin ni vaccine czar Carlito Galvez na matapos ideklara ni Pangulong Duterte ang unang lockdown ay nakipag-ugnayan sila ni Lao kay Chinese Ambassador to the Philippines Huang Xilian upang ‘maituro’ sila sa manufacturer ng medical supplies sa China.

Kinompirma rin ni Galvez na tinawagan nila ni Lao si Michael Yang, ang dating economic adviser ni Pangulong Duterte, upang makabili ng medical supplies.

“Bakit hindi government to government? Bakit naging middleman ang Pharmally? Kailangan ba may middleman,” tanong ni Drilon kay Galvez.

Naniniwala si Drilon na may bagong ‘variant’ ng korupsiyon na laganap sa burukrasya na tinawag niyang “planned plunder” dahil mabilis na nagpaparami o nagmu-mutate ang virus gaya ng CoVid-19.

Lalo aniyang magpupursigi ang Senado sa imbestigasyon upang matuklasan ang iba’t ibang iskema ng korupsiyon sa ilalim ng administrasyong Duterte.

Tiniyak ni Senate President Vicente Sotto III na hindi kayang pigilan ang Senado sa pag-iimbestiga.

Hindi pa man natatapos ang Senate probe sa Pharmally, idinekalara kagabi ni Pangulong Duterte na walang overpriced sa nasungkit na P8.7 bilyong medical supplies contract ng kompanya.

Nauna rito’y inamin ng Pangulo na “pagador’ ng Pharmally si Yang.

Para kay dating Sen. Serge Osmeña, dapat imbestigahan din ng Senado si Sen. Christopher “Bong” Go sa isyu.

“Whether he is a senator or not, they should investigate Bong Go. I don’t think he is a senator, he is the caregiver of Rodrigo Duterte,” ani Osmeña.

Matatandaang isiniwalat ni Sen. Richard Gordon na pawang mga naging tauhan ni Go ang mga presidential appointees na nadawit sa isyu ng Pharmally. (ROSE NOVENARIO)

About Rose Novenario

Check Also

Pagkakaisa panawagan ni Revilla

Pagkakaisa panawagan ni Revilla

NANAWAGAN si re-electionist Senator Ramon “Bong” Revilla, Jr., ng pagkakaisa sa gitna ng kinahaharap na …

Pamilya Ko Partylist inendoso sa Maynila

Pamilya Ko Partylist inendoso sa Maynila

INENDOSO at suportado nina Manila running councilor Pau Ejercito at Malou Ocsan ang Pamilya Ko …

Shamcey Supsup-Lee

Shamcey-Lee para sa Konseho sa Pasig, dinagsa ng suporta

LUMALAWAK ang suporta ng  kababaihan sa kandidatura  ni Shamcey Supsup-Lee bilang kinatawan ng unang distrito …

MNL City Run Presents Elorde The Flash Run 2025 – Run Like A Champ FEAT

MNL City Run Presents: Elorde The Flash Run 2025 – Run Like A Champ

Unleash Your Inner Champion, Run for a Cause! Get ready to lace up, push your …

Alas Pilipinas Maganda ang simula sa AVC Beach Tour

Alas Pilipinas Maganda ang simula sa AVC Beach Tour

NAGSIMULA ng maganda ang Pilipinas sa Rebisco Asian Volleyball Confederation (AVC) Beach Tour Nuvali Open …

Leave a Reply

Your email address will not be published. Required fields are marked *