HATAW! D'yaryo ng Bayan hatawtabloid.com
DINAMDAM ni Pia Wurtzbach ang walang pakundangang pagsasabi ng ilang netizens na ‘di n’ya deserve ang ipinagkaloob sa kanya na Woman of the World 2020 award ng isang organisasyon sa Dubai, Middle East.
At dahil sa pagdaramdam n’yang ‘yon, sinagot n’ya ito sa Instagram. Pero as usual, dahil Miss Universe 2015 siya, napakadisente pa rin ng paraan n’ya ng pagsagot sa kanila.
Pasakalye n’ya (published as is): “I usually dont like answering them but I have to admit, nahuhurt ako pag sinasabing ‘wala ka namang ginawa.’
“Now I dont really like having to explain myself, I’m sure nanotice nyo naman sa tuwing may binabato sa ‘kin na issue tahimik lang talaga ako.
“But this time I feel like I need to say something…
“Ang saya saya ko everytime I give back in my own little way. And it hurts me when people say na wala naman akong ginawa or ginagawa.”
Katwiran ng beauty queen, hindi siya nagkukulang sa pagpo-post ng mga ginagawa niyang charity works.
“Pinopost ko naman pero somehow people only notice the glam pics and my photos with Jeremy,” pagtukoy niya sa kanyang boyfriend na si Jeremy Jauncey, isang Scottish businessman.
Sa mahabang paliwanag, inisa-isa ng Filipino-German beauty queen ang mga kontribusyon niya ngayong taon na naging basehan para igawad sa kanya ang award.
Nakisangkot siya sa Ilang charity campaigns.
“After the success of my very first fundraiser I gained the confidence to do more,” ani Pia, na naging aktibo sa pagtulong sa frontliners noong first few months ng pandemya sa bansa.
Patuloy n’ya: “So then when Vestido and Aquafina asked me to donate gowns I wore as Miss Universe, I said yes! Gowns and shoes were auctioned off all for charity.
“A few months later I was asked by WWF [World Wide Fund for Nature] to join their team and I was so happy to be a part of it and learn more, also because Jeremy who is a global Ambassador for WWF, has been teaching me so much about it,” pagtukoy ni Pia sa international non-government organization.
Hindi siya nakisali sa ground work ng WWF, pero tumulong siya sa tatlong fundraising campaigns nito.
Pina-auction din ni Pia ang mga mamahaling relo n’ya sa fundraisers nina Anne Curtis at Angel Locsin. Sa charity din napunta ang pinagbentahan.
“I also do a free talk with UNAIDS every 3 months.”
Malaki-laki rin ang perang nalikom ng fundraising na sinimulan n’ya kasama ang kapwa beauty queens na sina Carla Lizardo at Bianca Guidotti. Ginawa nila ‘yon sa pamamagitan ng online show nila na Queentuhan.
Pagpapabatid pa ni Pia: “I even personally reached out to beauty queens myself to help us spread the word so we could collect more and help more.
“Syempre nag donate din kami from our own pockets.
“I was so happy to see that even though bagong bago palang ang podcast namin, we were able to collect over 400 thousand pesos.”
At bago siya lumipad papuntang Dubai, tumulong pa si Pia na mag-repack ng relief goods na sinimulan ng isang organisasyon.
“Wala po akong maid sa bahay, kami lang po ng pinsan ko ang nandun and we did everything ourselves.” Wala siyang malaking team para tulungan siya.
“I kept myself busy during this pandemic by helping, donating, keeping myself updated with the news and doing free interviews and talks.”
Nag-fundraising din siyang mag-isa at umabot din ng higit P1-M ang nalikom for charities.
“Around the same time I also partnered with a local restaurant to continously deliver lunch and dinner to the ICU unit Makati Med for weeks and that was with my own money.”
Lumipad kamakailan si Pia sa Dubai para sa annual awarding event ng Xpedition Middle East, isang “luxury, fashion, travel and lifestyle magazine” na based sa Dubai, United Arab Emirates.
Pangalawang taon pa lang ito ng award-giving body.
Noong 2019, ipinagkaloob ang parehong award kay Miss Universe 2018 Catriona Gray.
Dagdag na pahayag pa ng Miss Universe 2015 tungkol sa mga naganap sa buhay n’ya nitong 2020: Kabilang dito ang naging hidwaan ni Pia at ng kanyang ina sa nakababatang kapatid na si Sarah Wurtzbach.
Lahad n’ya (published as is): “This year has been tough for me too. Ive been trying to keep my head up and balance work and businesses, my personal life and even family issues.
“I’ve been through some really dark times this year (even Jeremy has seen it) but somehow I’ve been able to fight through it and I havent forgotten about the people who believe in me.”
Walang kaso sa kanya kung hindi siya ang “bet” na hiranging Woman of the Year award. Ang mahalaga, may mga tao at mga organisasyong nakikita ang mabubuti niyang ginagawa.
“So to my bashers who work so hard to bring me down, okay lang sakin kung ayaw nyo sakin or iba kasi ang bet nyo.”
KITANG-KITA KO
ni Danny Vibas
