Proteksiyon sa babaeng preso muling isinulong ni De Lima

MULING isinulong ni Senator Leila de Lima ang panukala niyang magbibigay protek­siyon sa mga babae sa mga kulungan.

Ayon kay De Lima, 2017 nang una niyang inihain ang Women in State Custody Act at muli niya itong isinampa ngayon 18th Congress bilang Senate Bill No. 378.

Paliwanag ng senadora, layon ng kanyang panukala na protektahan ang mga babaeng preso o detenido laban sa lahat ng uri ng pang-aabusong seksuwal.

Kaya’t panawagan niya sa mga kapwa senador, suportahan ang kanyang panukala para maimbestigahan na rin ang mga nangyayaring violence against women (VAW) sa mga kulungan.

“Walang ibang matakbuhan ang mga kababaihang detainess kaya nananahimik na lang ang marami sa kanila. Kaya’t tuloy, tuloy ang pang-aabuso hanggang nagiging bahagi na ito ng kul­tura sa mga kulungan sa ating bansa,” sabi ng senadora.

Mahigit tatlong taon nakakulong sa PNP Custodial Center ang senadora.

(CYNTHIA MARTIN)