HATAW! D'yaryo ng Bayan hatawtabloid.com
BAGO pa rumatsada si Vice Ganda sa Metro Manila Film Festival ay si Bossing Vic Sotto ang may hawak ng record na hari sa takilya sa mga ginawang pelikula para sa MMFF. At matagal na panahon na laging no.1 top grosser ang lahat ng movies ni Bossing at hanggang ngayon ay kabilang pa rin siya sa top grossers sa taunang festival.
“Hindi talaga ako sanay kapag wala akong pang-MMFF sa Pasko e,” sabi ni Bossing sa mediacon ng kanilang MMFF entry movie this year. Hindi rin daw siya pressure sa kikitain nito. Hayaan na raw kung alin ang mag-number one o kung pang-ilan ang pelikula nila ni Maine.
“Graduate na ako riyan e. Ang mahalaga napapasaya ng pelikula namin ang buong pamilya,” nakangiting pahayag ng TV host/comedian/producer.
Samantala kung pagbabasehan ang trailer ng Mission Unstapabol, ay may laban ito sa takilya at kakaiba sa past movies, na ginawa ni Bossing Vic sa festival.
Yes bukod sa kinagigiliwang style sa pagpapatawa ni Bossing ay may action scenes siya rito kasama ang team Don na sina Maine Mendoza (Donna Cruise), Jake Cuenca (the wrestler Don Johnson), Don Kiko, at Pokwang, the magician, at mission nila na maibalik ang Pearl of the Orient, na pinakamalaking perlas sa buong mundo.
First time na gaganap na contravida rito si Jose Manalo na kapatid ni Bossing sa movie at makae-enkuwentro sila rito. Iba-ibang character ang ipo-portray ni Wally Bayola sa nasabing film at biro pa ng komedyante sa presscon ay poging-pogi siya rito.
Palabas ang Mission Unstapabol sa maraming sinehan sa buong bansa ngayong Dec 25. Mula ito sa APT Entertainment at M-ZET TV Productions ni Bossing Vic, at idinirek ni Mike Tuviera.
VONGGANG CHIKA!
ni Peter Ledesma
