Sanya, 2 bahay ang ipinatatayo

IKINAGULAT at ikinatuwa ng labis ni Sanya Lopez ang special announcement at sorpresa ni Beautèderm President/ CEO

Rhea Tan na bibigyan ng Beautèderm negosyo package ang mga bagong celebrity endorsers. Ito’y sina Sanya, Camille Prats, Pauline Mendoza, Rita Daniela, at Ken Chan.

Ang plano ni Sanya ay ipa-manage sa ina ang negosyo package at ilagay ang Beautèderm branch sa Laguna dahil roon siya nagmula.

At sa pagkakaroon ng bagong negosyo, unti-unti nang natutupad ang mga pangarap ni Sanya, tulad na lamang ng pagpapatayo ng sariling bahay na malapit sa GMA-7.

May lupa na si Sanya sa Tagaytay na pagpapatayuan ng bahay-bakasyunan; naghahanap na siya ng lote na pagpapatayuan naman ng bahay niya sa Quezon City.

Samantala, consistent si Sanya sa pagsasabing never pa siyang nagkaroon ng boyfriend.

Sa isang interview kay Gab Lagman na na-link dati kay Sanya ay sinabi ng binata na nahihiya siya kay Sanya dahil nakatanggap ito ng bashing mula sa mga tao na nag-akala na nagkaroon sila ng relasyon.

Nilinaw ni Gab na hindi niya naging GF si Sanya.

“Na-bash ba ako? Parang hindi naman,” bulalas ni Sanya.

“Hindi po ako sure, okay lang, okay naman.

“Hindi po, hindi po niya ako talaga naging girlfriend.

“Mabait po kasi ‘yung taong ‘yun. Mabait naman siya, guwapo naman siya, ‘di ba?

“Sino naman ang parang aayawan siya?

“Napa­kabuti niya na kaibigan and I’m happy na happy din siya ngayon. Happy ako, happy siya.

“Masaya ako na until now, magkaibigan kami,” ang saad ni Sanya.

No boyfriend since birth nga si Sanya.

“Opo, totoo po ‘yun.”

“May mga nanligaw po pero siyempre, tinitingnan mo rin naman kung hanggang kailan.

“Nag-e-entertain din naman po ako. Kaya nga nag-e-entertain, malay mo siya na pala pero parang hangga’t nag-e-enjoy pa ako sa ginagawa ko, tingnan natin kung hanggang saan nila kayang maghintay.”

Career ang focus ni Sanya ngayon.

Rated R
ni Rommel Gonzales