‘Not guilty’ sa rape case hirit ng celebrity doctor

NAGPASOK ang cele­brity doctor na si Joel Mendez nitong Miyer­koles, ng “not guilty plea” para sa dalawang bilang ng kasong rape na inihain sa kanya.

Ang cosmetic surgeon ay nakalaya makaraan mag­lagak ng piyansa para sa kinakaharap na dala­wang bilang ng ka­song rape at isang bi­lang ng attempted rape dahil sa umano’y pagmo­lestiya sa kanyang 17-anyos pamangkin noong 2016.

Kasabay nito, naghain ang kampo ni Mendez ng mosyon, hinihiling kay Mandaluyong Regional Trial Court Branch 214 Judge Imelda Portes-Saulog na mag-inhibit sa kaso.

Ang susunod na pag­dinig ay itinakda sa 19 Setyembre 2018 dakong 2:00 ng hapon.

Nitong nakaraang taon, naging laman ng mga pahayagan si Men­dez makaraan mabigong mag-remit ng SSS contri­butions ng kanyang mga empleyado.

Noong 2016, si Men­dez ay na-convict sa tax evasion case at hinatulan ng tatlong taon pagka­bilanggo at multang P10,000.