Worth it ang hirap at puyat dahil ang ganda-ganda ng Barcelona — Kathryn

SA presscon ng latest movie nila ng ka-loveteam na si Daniel Padilla na Barcelona: A Love Story Untold, mula sa Star Cinema at sa direksiyon ni Olivia “Inang” Lamasan, ikinuwento ni Kathryn Bernardo ang hindi niya malilimutang experiences habang ginagawa ang pelikula.

“Kung experiences ‘yung pag-uusapan, parang ang hirap po pumili ng isa, kasi tatlong linggo kaming nag-shoot doon sa Barcelona, everyday ‘yun. Hindi namin siya masasabing naging madali, hindi lahat smooth. Siyempre darating tayo roon na..kasi four hours lang ‘yung sleep, pagod lahat, physically and emotionally. But then, worth it po talaga lahat, kasi ang ganda-ganda niyong lugar and masaya kami kasi naipakita ‘yun sa movie,” sabi ni Kathryn.

Patuloy niya pa, “And parang kahit anong hirap ‘yung ginawa namin sa shooting parang sobrang special talaga itong project na ito sa amin ni DJ kasi ‘yung story, ‘yung characters namin parang napamahal talaga siya sa amin. Napaka-hands-on namin sa character kaya worth it po talaga lahat.”

( ROMMEL PLACENTE )