Tony Labrusca, happy na makatrabaho sina Yuki Sonoda at Kelley Day sa “All About Her”

ALAM MO NA!
ni Nonie Nicasio

IPINAHAYAG ni Tony Labrusca na masaya siya sa bago niyang project titled “All About Her” na nakapasok sa 8th Sinag Maynila Independent Film Festival.

Pagbabahagi ng aktor, “I’m happy kasi I’ve got to worked with direk Joel alongside with Yuki and Kelley. We’re hoping that you guys will like our film, I think the highlight is going to be our two female leads. I’m just happy to support them.

“I play the role of William dela Cruz and isa po akong pulis dito, and ako ‘yung love interest ni Yuki.”

Bukod kina Yuki, Kelley, at Tony, tampok din dito sina Itan Rosales, Marco Gomez, Angelica Cervantes, at Jim Pebanco. Ito’y mula sa pamamahala ng award-winning direktor na si Joel Lamangan at sa screenplay ni Quinn Carrillo.

Hatid ng 3:16 Media Network ni Ms. Len Carrillo, ang All About Her ay isang drama tungkol sa hiwagang bumabalot sa pagkamatay ng isang beauty queen.

Ang pelikula ay sumasalamin sa mga tunay na kaganapan sa mga beauty contest na interesadong-interesado lagi ang mga Pinoy. Lahat daw ng mga elementong nangyayari sa mga beauty contest ay makikita rito, tulad ng dayaan, gamitan, exploitation, at iba pa.

Paano niya ide-describe itong movie? “Ang movie ay isang thriller, it’s like a psychological-thriller,” matipid na tugon ni Tony.

Nabanggit din ni Tony ang rason kung bakit siya pumayag na gawin ang pelikula.

Esplika niya, “Well, I thought that it was a really cool story, and when they told me the premise, its actually kind of based on a true story. So, I thought it was really fascinating and I was really excited to work with Direk Joel again… So, I was just really excited to be working with friends, with a really cool project.”

Ang Sinag Maynila Independent Film Festival ay mapapapanood sa mga piling sinehan sa Metro Manila mula March 23-29, 2026.

Magkakaroon ito ng theatrical run sa Gateway Cinemas (Cubao, QC), Eastwood Cinemas (Libis, QC), Uptown Cinemas (BGC, Taguig City), Venice Cineplex (McKinley Hill, Taguig City) at Lucky Chinatown Cinemas (Binondo, Manila).