Christian ‘di dumistansya sa paglantad ni Mark

MA at PA
ni Rommel Placente

ALL-OUT ang support ni Christian Bautista sa kaibigang si Mark Bautista mula nang mag-come out ito as bisexual at ilantad ang gender identity sa pamamagitan ng isang libro.

Mas mahalaga raw sa kanya ang mahigit dalawang dekada nilang friendship ni Mark kaysa mga sasabihin ng ibang tao laban sexual preference ng singer-actor.

Ani Christian, never siyang nakaramdam ng pagkailang kay Mark kahit pa umamin itong miyembro ng LGBTQIA+ community.

Sabi ni Christian, “I read it in the paper, and I said, ‘Hey! I’m your friend no matter what and I’m here for you,’” sabi ni Christian sa panayam ng Fast Talk with Boy Abunda.

Sa katunayan, naging friend na rin ni Mark ang asawa ni Christian na si Kat Ramnani at kadalasan ay nagba-bonding din silang tatlo kabilang na ang paglalaro ng pickleball.

Sey naman ni Mark, “I think ‘yan ‘yung what I like about Christian. Kasi when things were parang uncomfortable, parang hindi siya ‘yung parang dumistansiya or hindi siya parang napi-feel mo na nawala or something. Support was there.”

Taong 2018 nang ilabas ni Mark ang isinulat niyang book na Beyond the Mark na ibinandera niya ang katotohanan sa kanyang personal life and career.

Malaki raw ang naging bahagi ng Viva Entertainment boss na si Vic del Rosario para mailabas ang kanyang libro.

“Kasi natapos ko siya noong nasa US ako and that time, talagang sabi ko, ‘Boss Vic, pwede n’yo ba akong tulungan?’

“Kasi parang feeling ko ang story ko, my journey was inspiring. I’m actually very, very happy now,” sabi pa ni Mark.