HATAW! D'yaryo ng Bayan hatawtabloid.com
LIMANG foreign nationals ang inulat na inaresto ng Bureau of Immigration (BI) sa magkakahiwalay na operasyon na isinagawa ng Intelligence Division ng ahensiya.
Sinabi ni BI Commissioner Joel Anthony Viado, dinakip ang mga dayuhan na pawang walang wastong working visa o lumabag sa mga kondisyon ng kanilang pananatili sa bansa.
Gaya ng isang South African national na inaresto noong 12 Pebrero sa Camp Fort Magsaysay sa Nueva Ecija; isang Faaiz Ameer Garnie, 32 anyos; at isang Imran Khattak na dinakip dahil sa hindi pagsunod sa kaukulang proseso ng imigrasyon.
Sa isang hiwalay na operasyon noong 13 Pebrero, inaresto ang dalawang Chinese national sa Iloilo.
Kinilala ang mga inaresto na sina Wang Jiabai, alyas Kevin Wang, 43 anyos; at Wang Libi, alyas Lisa, 46 anyos.
Parehong ipinaalam ng mga awtoridad ang kanilang mga karapatan alinsunod sa konstitusyon at dinala sa mga kinauukulang awtoridad para sa booking at dokumentasyon bago dinala sa Maynila.
Kasalukuyan silang nasa kustodiya ng BI Warden Facility habang hinihintay ang proseso ng deportasyon.
