HATAW! D'yaryo ng Bayan hatawtabloid.com
UMABOT sa kabuuang 40 importers at licensed customs brokers ang sinampahan ng kaso ng Bureau of Customs (BoC) sa Department of Justice (DOJ), bilang bahagi ng sustained anti-smuggling campaign, sa ilalim ng pamumuno ni Customs Commissioner Ariel F. Nepomuceno.
Ayon sa Customs, mula 1 Hulyo 2025 hanggang sa kasalukuyan ay nakapaghain sila ng 14 criminal cases laban sa 40 importers at kanilang kinatawan at licensed customs brokers dahil sa paglabag sa Republic Act No. 10863, o The Customs Modernization and Tariff Act (CMTA).
Ang kasong inihain ay paglabag sa unlawful importation activities, kabilang na ang technical smuggling, misdeclaration, at undervaluation ng mga goods, na naglalayong umiwas sa tamang pagbabayad ng duties and taxes sa pamahalaan.
