HATAW! D'yaryo ng Bayan hatawtabloid.com
DALAWANG bilang ng kasong murder ang inihain sa Quezon City Prosecutors’ Office laban sa tatlong suspek sa pamamaslang sa mag-inang Senior Master Sgt. Diane Marie Mollenido at anak na si John Ysmael sa Quezon City.
Walang inirekomendang piyansa ang QC court laban sa mga akusadong mag-asawang Christian at Pia Katrina Panganiban at kanilang helper na si Gil Dy, Jr.
Ang pagsasampa ng kaso ng QC Police District (QCPD) laban sa mga suspek ay isinulong makaraang makakuha nang matitibay na ebidensiya na nagdidiin sa mga akusado na may kinalaman sa pagpatay sa mag-ina noong 16 Enero 2026 na sinabing nag-ugat sa bentahan ng sasakyan.
Tinanggal ng korte ang pangalan ng kapatid ni Christian na si Maribel Panganiban sa listahan ng mga akusado. Itinuturing siyang ordinary witness sa kaso samantala ang asawa ni Mollenido na si Police Senior Master Sergeant John Mollenido na ikinonsiderang person of interest ay hindi na rin isinama sa talaan ng mga nasa likod ng krimen, makaraang paboran ng korte ang mosyon na alisin siya bilang respondents sa kaso.
