Benefit concert ni Maricar Aragon matagumpay

MATABIL
ni John Fontanilla

DINUMOG ang kaatatapos na benefit concert ng singer na si Maricar Aragon, ang Me and My Music na ginanap sa  Viva Cafe kamakailan. Idinirehe ito ni Nanette Dela Peña.

Beneficiary ng concert ang Tanging Hiling Organization Cancer Warriors.

Ayon kay Maricar ginagawa nila ang ganitong concert para makatulong sa mga taong may cancer.

At para matulungan na rin ang mga kabataang may talento bilang singer at maka-inspire pa ng iba pang mga kabataan na maipakita ang kanilang galing sa entablado.

Ilan sa mahuhusay na performers ng gabing iyon ang mga 702 Media Productions and Maricar Aragon artists and students na sina Aizen Jhenelle, Ayessa Keristine, Gabriel Adame, Franchezka Caguiat, Jane Zabate, Kierra Rumi, Marikit Enrique, Shaun Jazz, Cynthia Lipumano, Arian Acorda, at ang The Tanging Hiling Youth Cancer Warriors.

Kasama rin ang PPop Kids na  LiL’ Star Sirens na kinabibilangan nina  Asiya Ignacio, Halleyah Militar, Kendra Garcia, Mharjay Cacayan, Momay Laugo, at Zooey Abacial.

Ang Maricar Aragon, Me and My Music ay hatid ng 702 Media Productions.